الفجل في حديقة المنزل
السلام عليكم
أنا بوريكو فكرة زراعة الفجل في حديقة المنزل
إن شاء الله هيتم عمل التحديثات على الموضوع على شان تشوفوا الصور ...
أنا عارف أن الي أنا زرعو عند البعض مش مهم ..
بس أنا بفكر اني أي مشكلة هتقبلني و أنتو هتحلوها..
ممكن غيري يستفيد من تجنب حدوثها .
أولاً بس أحب أوضح أني أنا التربة بتاعت حديقة المنزل مش كويسة و بسببها بتموت النباتات الي عندي
و لما رحت للراجل محل بتاع البزور و البتموس نصحني بالتالي :-
1 - أقلب الأرض بفاس ثمن الفأس 15 جنيه عن أي موان حدايد و بويات
2- أرش الأرض بحاجه أسمها سوبر فسفات الكيلو منو بـ 1 جنيه فقط و أرش الأرض مية و بعدين أقلبها و أسبها 3 أيام لحد ما تنشف خالص
3 بعد ما تنشف ... قلبتها كمان مره بالفأس و بعدين حولتا أسويها و رشيت البزور بتاعت الفجل
4 عملت الأرض مصدات بحيث أني لو غمرتها بالمياه المياه تفضل فيها شوية و الحقيقة أنا لما غمرتها البزور طافت
و الحمد لله بعد 3 أيام الفجل بوادرة ظهرت و دلوقتي بينمو بشكل كبير
و دي الصور الموضحة للي ظهر
يوم 17-3-2014
يوم 18-3-2014
يوم 19-3-2014
ملاحظة :- الري كان كالأتي تم غمر الأرض أول مره يوم 13-3-2014 و ثاني مرة تم الغمر يوم 19-3-2014
مواضيع مشابهة:
اقتباس